ხალხმა არ ვიცი თავის თავი რად წარმოიდგინა, მაგრამ გადაწყვიტა ცაში მიმავალი კიბე აეგო, რათა ღმერთებს შებრძოლებოდა. მოთამაშეს მოუწევს ოთხი მითოლოგიის უდიდესი ღმერთების მხარეს ითამაშოს და არ მისცეს ხალხს კიბის აშენების შანსი. ამავე დროს უნდა ფრთხილად იყოს და არ დაასახიჩროს ისინი, რადგან ღმერთები მხოლოდ რწმენის ხარჯზე არსებობენ. თამაშში 16 სხვადასხვა ღმერთია (4 - თითო მითოლოგიით), რომელთა შორის არიან ზევსი, ოსირისი და ა.შ. ყველა ღმერთს აქვს უნიკალური ძალა.